SOS akwatisiwin witokakewin takwan ooma kitci witcikoan kawin kekon inakitakwasinon atikotc inakanesian konikotc icikicweian kika witokako kawin kwatak awiakok okakikentasinawa. Apan kapenakotc takwan iiwe kapetipik acitc tasokacik 24 hour kaikitonaniwak atikotc Quebec tacikeian. Atitotc kekon wikikentaman iimatakwan acitc takwan witacikeian iima. Witokakewin takwan kapena kin acitc kitapinotcicimak, kikaki inwewesitcike SOS akwatisiwin witokakewin konikotc kikaki ocipiamok texto kaicinikatek totaman acitc kakicipitek ocipiikan.

Kapenakotc apan anotakan SOS te kitci witokak wiaiamiatc kikantotako misakotc ati ecikicweian, konikotc wemitikicimoan, konikotc cakanacimowan atisakotc eci minwenitaman ecianimweian, nantam pakan kaicikicwewatc, kainakanesiwatc tewak, spanish, arabe, italien. Misa nika kokwe mikawa awiak kitci anicinapemotc kitci witokak kaici nitawenitaman eanicinapemoan.

Inwewecitcikean SOS witokakewin kawin nikot inenitaken, kawin kika micamiikosi, kika  nitotako eta wewenita kin meka eta kitinentamowin misawatc animiseian. Mieta kitci kikenitaman etakwak witokakewin acitc kitci kikenitaman mane kekon apatcitawin kipimatisiwinikak. Kawin kotatciken kitci picaian konikotc animweian konikotc ocipiikeian. Miecinakwak ooma kitci witcikoan kawin nikot inenitaman mienapatisiak ooma kitci witokawinan.