SOS violence wikimitowinik actaw kitci witcihiwetc nama akitakon nicowek arimwewin actaw acitc nama kotak awik kata kiskeritam katcictew nihe e ici witcihewaniwok. Irikik e cetik 24h  tato kickwa takon neta kaskina kekwan ka wi ici kokwetcikemowek kirika witcihiwewin takon tacikehiwewin kaskina wiec ota Kepek askik kirawaw otci acitc kinitcaniciwawok.

Nihi witcihiwewin SOS matci takapikenikanik ici witcihiwaniwon matci kaie pamikicikopitcikanik acitc aripoc takapikenikanik motci masinahikaniwon. Tan kotc wa ici aimihatcik. Naha tca ka naskamotc matci emitikociwimo kekotc ekarecamo tan kotc wa ici arimwehin.Tawok ni kaie espagnol acitc arabe kaie italien ka arimwetcik. Kecpin nataweritamane kitci aimihikoin tan kotc kir e ici arimwehin ni ka kotcitanan kitci witcihitak.

E ici arimwek neta SOS nama ni kitci oreritaman kekwan acitc kiwikimakan. E actek ke totamak tepirak kitci witcihitak kitci witamatak ke ki ici oreritaman kir otci. Kir tca tepirak ki ka ki oreritamason ke ici matcaiin kipimatisiwinik. Aka tca cakwerimo kitci pe ici arimweiin kitci witcihitak kir otci wetci otamiroiak ota.