SOS ᓂᒧᐃ ᑎᐱᐦᐄᒑᓂᐤ, ᓂᓱᔨᒡ ᐃᔑ ᐊᔨᒥᓈᓂᐤ, ᐋᑳ ᒋᔅᒑᔨᐦᑖᑯᓯᑦ ᑭᔮᐦ ᒫᒃ ᑭᓈᒡ ᐊᑭᓂᐧᐋᔨᐦᑖᑭᓂᐅᒡ ᐋᐧᐋᓂᒌ ᐅᔮᔨᐤ ᐊ ᐃᔑ ᐧᐃᒋᐦᐋᑭᓂᐧᐃᒡ ᐋᑳ ᒥᔪᐱᔨᒡ ᐅᐧᐃᒋᒫᑭᓂᐧᐋᐤ ᐅᐦᒡ ᐊᐦᑯᔨᐧᐋᓯᐧᐃᓂᔨᐤ᙮ ᐊᑯᑎ ᐅᑎᐦ ᐧᐋᐦᑎᓂᑭᓂᐅᒡ ᒑᐧᑳᓐ ᐊᔨᒧᐧᐃᓂᐦᒡ, ᐧᐃᒋᐦᐄᑯᓯᐧᐃᓐ ᐊᓰᑐᔅᑭᐧᐋᑭᓂᐧᐃᒡ ᑭᔮᐦ ᒫᒃ ᒑ ᒌ ᑭᓂᐧᐋᔨᐦᑖᑯᓯᒡ ᐅᑎᐦ ᐆ ᑯᐹᒃ ᐊᔅᒌ, 24 ᑎᐦᐧᑖᐤ ᐊᒋᓂᐧᑳᓂᐦᑖᑦ ᐸᔨᒄ ᒋᔑᑳᐤ ᑭᔮᐦ ᓂᐧᓵᓯᒡ ᑎᐦᑐ ᒋᔑᑳᐤ ᐹᔨᒄ ᑎᐅᔅᑖᐤ᙮ ᐅᑎᐦ ᐆ ᐊ ᐃᔑ ᐧᐃᒋᐦᐋᑭᓂᐧᐃᒡ ᑳᒌᒡ ᑎᑯᓐ ᒑ ᒌ ᐧᐃᒋᐦᐄᑯᐧᐃᔨᓐ ᑭᔮᐦ ᒫᒃ ᐊᔥᑎᐧᐋᓯᒥᒡ᙮
SOS ᐧᐃᒋᐦᐄᐧᐋᐧᐃᓐ ᑎᑯᓐ ᐅᐦᒡ ᑖᓂᐦᐳᓂᐦᒡ ᑭᔮᐦ ᒫᒃ ᒥᓯᓂᐦᐄᒫᑐᐧᐃᓂᐦᒡ ᑯᓵᐱᐦᒋᑭᓂᐦᒡ ᐅᐦᒡ, ᑖᓂᐦᐳᓂᐦᒡ ᐋ ᐅᐦᒋ ᒥᓯᓂᐦᐄᒫᑐᓇᓂᐅᒡ ᑭᔮᐦ ᒫᒃ ᐋᐅᐦᒡ ᐊᔨᒥᐦᐄᑐᓈᓂᐅᒡ᙮ ᒧᔥ ᑳᒋᒡ, ᒋᑭ ᒋ ᓂᔅᐧᑳᓯᐦᐄᑎᓈᓐ ᐅᐱᔥᑎᐧᑳᔭᐤ ᐊᔨᒧᐧᐃᓂᐦᒡ, ᐧᐋᒥᔥᑎᑯᓯᔨᐤ ᐊᔨᒧᐧᐃᓂᐦᒡ, ᑖᓐ ᐊᓐ ᒥᒄ ᒋᔨ ᓈᐦᐄᑯᔨᓐ, ᒥᒄ ᒫᒃ ᐊᓂᒌ ᒑ ᐊᔨᒥᐦᐄᔅᒡ ᐧᐋᐦᐧᐃᒋᐦᐄᔥᒡ ᓂᓈᐦᑭᐤ ᐃᔑ ᐊᔨᒧᐧᐃᒡ ᐱᑯᓂᒑᐦ ᔅᐹᓂᔥ, ᐊᕌᐱᒃ ᑭᔮᐦ ᒫᒃ ᐃᑖᓕᔮᓐ᙮ ᓂᑎᐧᐋᔨᐦᑎᒥᓈ ᒫᒃ, ᓂᑭ ᑯᒋᐦᑖᓈᓐ ᒑ ᒌ ᒥᔅᑯᒋᐦᒡ ᐊᓐ ᒑ ᒥᔪᔨᔅᒡ ᐋ ᐊᔨᒥᐦᐄᐧᑖᐤ ᐊᓐ ᒋᔭ ᐧᐋᒋᐦᒡ ᐋ ᐃᔑ ᐊᔨᒥᔨᓐ᙮
ᐊᔨᒥᐦᐄᐧᑖᐧᐋᐦ ᐊᓂᒌ SOS ᓂᒧᐃ ᒋᐱᒋᔅᑎᓂᓲᓐ ᒑᐧᑳᓐ ᐧᐃᔮᔥ ᒑ ᒌ ᐃᑎᓲᒫᑭᓂᐅᑦ ᒋᐧᐃᒋᒫᑭᓐ᙮ ᐊᓐ ᓂᔮᓐ ᒑ ᒌ ᑎᔮᐦᒡ ᒑ ᒌ ᐧᐃᐦᑎᒫᑖᐦᒡ ᑖᓐ ᐊᔥ ᑎᑯᐦᒡ ᐧᐃᒋᐦᐄᑯᓯᐧᐃᓐ ᑭᔮᐦ ᓱᑐᔅᑳᒑᐧᐃᓐ ᒑ ᒌ ᐧᐃᒋᐦᐄᑯᔨᓐ ᒋᔮ ᒑ ᒌ ᐧᐃᔮᔨᐦᑎᒥᐦᐄᑯᔨᓐ ᑖᓂᑖᐦ ᐧᐋᔨᐦᑐᐦᑖᔨᓐ ᒋᔭ ᐅᑖᐦ ᐃᔑ ᓂᔅᑖᒥᐦᒡ᙮ ᐋᑳ ᓵᐧᑳᔨᒽ ᒑ ᒌ ᐸᒋ ᐊᔨᒥᐦᐄᔮᐦᒡ, ᐧᐋᔥ ᐋᐅᒄ ᐧᐋᐦᒡ ᑖᔮᐦᒡ ᐅᑎᐦ ᒑ ᒌ ᐧᐃᒋᐦᐄᑖᐦᒡ ᒋᔭ᙮
- 1 800 363-9010 — 24/7
- 438-601-1211 — texto