SOS violence conjugale uitshiaushiu, tshi uapameu auennua kie tshi itishaueu anite tshe minu-uitshiakanniti mak apu tshishikashunanut. Nishuait anite tshipa tshi aimikaunau, apu auen uinakanit uiesh. Ishkanitshishikua kie ishkanitipishkua, nishuasht-tatutshishikua peikuminashtakana tshipa tshi minikaunau aimun, tshipa tshi uitshikaunau kie ma nipekakaunau, mishue ute uepishtikueiau-assit. Tshinuau kie ashit tshitauassimuauat tshipa tshi uitshikaunau.

Tshipa tshi aiminau anite SOS, tshipa tshi mashinaitshenau atusseu-katshitapatakanit kie ashit tshikaiminanunimuau ashit kie tshipa tshi mashinaimakuau anite auen. Ne auen ka atusset anite SOS tshipa tshi mishtikushiu-aimikuau kie ma akaneshau-aimikuau muk^u ne tshinuau eshi-aimiek^u, passe anitshenat etusseht anite SOS kutaka aimuna tshi aimuat : espagnol, arabe kie italien. Ui aimikushiekui ashit tshitaimunuau, nika kutshipanitanan tshetshi mishkutshit auen tshe aimitak miam tshinuau eshi-aimiek^u.

Aimiekui anite SOS apu ui itashumikauiek^u an tshetshi utinamek^u aimun ne ashit tshitimushuau. Ninan, tshui uitshitinan, tshui shutshiteishkatinan tshetshi tshinuau utinamek^u ne menuat tshekuan tshetshi nikanuteiek^u. Eka shakuenimuk^u tshetshi aimiat, nitanan ute tshetshi uitshitat.