Ne SOS iah teionkwaká:raien, tékeni teiakwatewennontáhkhwa, iah tekwahsennake’tótha, tánon iah tekwarihotahsién:nis tsi ienkwahsennínion’te nakwaia’takéhnha, ne akó:wen tsi niká:ien tionatenróhon iontatkarewáhton. Nè:’e ioteríhonte kí:ken kaia’takehnháhtshera ne watiesenhón:we aieié:na aterien’taráhtshera, kaienawa’séhtshera, tóka’ni tsi waskwáhere kaienawa’séhtshera akwé:kon tsik nón:we Quebec tsi niionhwéntses, kon’tátie tánon ahia’kserakwé:kon. Nè:’e sewá:wen ní:se tánon ietshiien’okòn:’a.

Ká:ien naieié:na SOS aoia’takehnháhtshera tsi nonkwá:ti teiehtharáhkhwa, a’arà:ke ionthiatonhseraniéhtha, tóka’ni teiehtharáhkhwa ionthiatonhseraniéhtha. Akwé:kon tsi nikahá:wis, wá:tons O’seronni’kéha tóka’ni Tiohrhèn:sha aiakwatewennón:tahkwe, nè:’e tewanónhtons ka’ niká:ien sénha serákwas, Eskwaniohnéha, Arakwiknéha, tánon Tarienhnéha ó:ni iakwahrónkha. Tóka’ ahsaská:neke, eniakwate’nién:ten aiakwatshén:ri nahò:ten sénha aiesaia’takéhnha ahsatá:ti sawenna’ón:we tsi enskwahroriánion.

Nó:nen enteskwatewennáta’a’se kwah iah káneka téhshneren ne thé:nen ia’taiesarihwaién:ta’se ne titsatenróhon akorihwà:ke. Ne khok ionkwateríhonte takwarihwathe’tanión:ha’se tánon akwaié:nawa’se ne ki’ aón:ton í:se ahsanónhton tsi wahsonhnhétie. Tóhsa níhsa tasatòn:nek tsi takwawennà:ronk, nè:’e ionkwathrá:ni nakwaié:nawa’se.