SOS-ᑯᑦ ᐊᑭᖃᖕᖏᑐᑦ, ᐅᖃᐅᓯᓐᓂᒃ ᒪᕐᕈᐃᓂᒃ ᐅᖄᒍᓯᖃᕈᓐᓇᑐᑦ, ᑭᓇᐅᒻᒪᖔᑦ ᑲᒪᒋᔭᐅᔪᖅ ᓇᓗᓀᕐᓯᓲᒍᖕᖏᑐᑦ
ᐊᒻᒪᓗ ᓇᐅᑐᐃᓐᓇᓄᑦ ᖃᐅᔨᔭᐅᑎᑦᓯᓲᒍᒐᑎᒃ ᓱᒃᑯᔨᐊᕕᓂᐅᑦᓱᑎᒃ ᐁᑉᐸᒥᓄᑦ ᐱᒍᑦᔭᐅᔪᕕᓂᕐᓂᒃ.
ᖃᐅᔨᒐᓱᐊᕐᕕᓴᐅᒍᓐᓇᑐᑦ, ᓴᐳᒻᒥᒍᓐᓇᓱᑎᓪᓗ ᐊᓐᓇᒋᐊᕐᕕᓭᓪᓘᑐᓂᒃ ᐱᒍᑦᔨᕕᖃᓲᑦ ᑯᐯᒃᓕᒫᒥ, ᐅᓪᓗᓕᒫᖅ
ᐃᑲᐅᕐᓂᓂ/ᑫᕙᓪᓚᒍᓯᕐᓂ 24-ᓂ ᐅᒃᑯᐃᖔᓲᑦ ᐅᓪᓗᓂ ᓯᑕᒪᐅᔪᖏᒐᕐᑐᓂ ᐱᓇᓱᐊᕈᓯᑕᒫᑦ. ᑕᒪᒃᑯᓂᖓ ᐱᒍᑦᔨᕖᑦ
ᐊᑐᐃᓐᓇᐅᔪᑦ ᐃᓕᓐᓄᑦ ᕿᑐᕐᖓᓅᕕᓪᓗ. SOS-ᑯᑦ ᐅᖄᓚᐅᑎᒃᑯᑦ ᐱᒍᑦᔨᒍᓐᓇᓲᒍᒻᒥᔪᑦ, ᖃᕆᑕᐅᔭᑎᒍᑦ
ᐊᓪᓚᕕᐅᒍᓐᓇᓱᑎᓪᓗ, ᐅᖄᓚᐅᑎᐊᐱᑎᒍᑦ ᐊᓪᓚᕕᐅᒍᓐᓇᒥᔪᑦ ᐊᓪᓚᖃᑦᑕᐅᑎᔨᐅᒍᓐᓇᓱᑎᓪᓗ. ᑌᒪᖕᖓᓕᒫᑦᓯᐊᖅ,
ᑭᐅᒍᓐᓇᖁᒍᑦ ᐊᐱᕐᓲᑎᑦᓴᖃᑐᐊᕈᑎᑦᓯ ᐅᐃᒍᐃᑎᑐᑦ ᖃᓪᓗᓈᑎᑐᓪᓘᓃᑦ, ᓇᓪᓕᐊᓂᑐᐃᓐᓇᖅ ᐅᖃᐅᓯᕐᒥᒃ
ᐃᓱᐊᕆᔭᑐᐃᓐᓇᓂᒃ ᐊᑐᕐᓗᑎᑦ ᐅᖄᓚᕕᒋᒍᓐᓇᑕᑎᑦ, ᑭᓯᐊᓂ ᓴᐹᓂᔅᑎᑐᑦ, ᐊᕌᐱᒻᒥᐅᑎᑐᑦ ᐊᒻᒪᓗ ᐃᑖᓕᐊᓐᑎᑐᑦ
ᐅᖄᒍᓐᓇᓲᒍᒻᒥᔪᑦ ᐃᓱᐊᕐᓭᔩᑦ ᐃᓚᖏᑦ. ᐅᖃᐅᓯᕐᓂᒃ ᐊᑐᕐᓗᑎᑦ ᐅᖄᕕᖃᕈᒪᑐᐊᕈᕕᑦ ᑐᓵᔨᑦᓴᓯᐅᕈᓐᓇᑐᒍᑦ
ᐅᖃᐅᓯᕐᓃᕕᑦ ᐊᑐᕐᓗᑎᑦ ᐅᖄᕕᖃᕈᒪᑐᐊᕈᕕᑦ. SOS-ᑯᑦ ᑐᑭᑖᕐᑎᓯᒐᓱᐊᕐᓂᐅᔭᖕᖏᑐᑦ ᐁᑉᐸᓃᕕᑦ ᖃᓄᖅ
ᑐᑭᑖᕈᑎᖃᕈᒪᒻᒪᖔᕐᐱᑦ. ᖃᐅᔨᒪᔭᐅᒋᐊᓕᓐᓂᒃ ᖃᐅᔨᒪᑎᑦᓯᒐᓱᐊᕐᑎᑐᐃᓐᓇᐅᔪᒍᑦ ᓴᐳᒻᒥᒐᓱᐊᕐᑎᑐᐃᓐᓇᐅᓱᑕᓗ
ᓇᒻᒥᓂᖅ ᑐᑭᑖᕈᑎᒋᒍᒪᔭᕐᓂᒃ ᓯᕗᓂᕐᒥᒃ ᐃᓱᒣᓐᓇᕿᒍᓐᓇᕕᖃᕐᑎᑕᐅᑦᓯᐊᑐᑎᑦ. ᐅᖄᓚᕕᐅᑦᑌᓕᒍᒪᑦᔭᖏᓪᓚᒍᑦ,
ᐃᓕᓐᓂᒃ ᑕᒫᓂᒍᑎᖃᕋᑦᑕ.
- 1 800 363-9010 — 24/7
- 1 438-601-1211 — text